ဆိုးလ်မြို့ရှိ တရုတ်သံရုံးအရှေ့မှာပြုလုပ်တဲ့ မြန်မာ့အရေးအတွက် ဆန္ဒပြပွဲကိုလာရောက်ပြီး ပူ းပေါင်းပါဝင်ခဲ့တဲ့ တောင်ကိုရီးယားအနုပညာရှင်တစ်ဦး

ပြည်တွင်းမှာရှိတဲ့ ပြည်သူတွေက အန္တရာယ်တွေကြားကနေ တိုက်ပွဲဝင်နေကြသလို ပြည်ပရောက် မြန်မာနိုင်ငံသားတွေကလည်း သူတို့တတ် နိုင်သ လောက် တာဝန်ကျေပွန်နေကြတာလည်း ဖြစ်ပါတယ် ။

မနေ့ကဆိုရင်လည်း တောင်ကိုရီးယားနိုင်ငံ၊ ဆိုးလ်မြို့ရှိ တရုတ်သံရုံးအရှေ့မှာမြန်မာ့နွေဦးတော်လှန်ရေးထောက်ခံသူများ (ကိုရီးယား)အဖွဲ့က ဦးဆောင်ပြီး ဆန္ဒပြပွဲတစ်ခု ပြုလုပ်ခဲ့တာ ဖြစ်ပါတယ် ။

ဒီပွဲမှာတော့ တောင်ကိုရီးယားနိုင်ငံကအနုပညာရှင်တစ်ဦးကလည်း ပူးပေါင်းပါဝင်ခဲ့တာ ဖြစ်ပါတယ် ။သူ့ရဲ့နာမည်ကတော့ Lee Seo Ho ဖြစ်ပြီးတောင်ကိုရီးယားနိုင်ငံက ‌Model ၊ သရုပ်ဆောင်တစ်ဦးပဲဖြစ်ပါတယ် ။

ပြုလုပ်တဲ့ လူထုလှုပ်ရှားမှုပွဲမှာ တောင်ကိုရီးယားရောက် မြ န်မာတွေနဲ့အတူ လာရောက်အားဖြည့်ပေးခဲ့တာပဲဖြစ်ပါတယ် ။

Lee Seo Ho နဲ့ မြန်မာအဖွဲ့ကတရုတ်သံရုံးအရှေ့မှာဆန္ဒထုတ်ဖော်ရင်းအိတ်ဖွင့်ပေးစာလည်း ပေးအပ်ခဲ့ကြတာ ဖြစ်ပါတယ် ။

Lee Seo Ho ကတော့ ဆန္ဒထုတ်ဖော်ပွဲကပုံရိပ်တွေကို မျှဝေပေးခဲ့သလို Facebook Page ကတစ်ဆင့်တိုက်ရိုက် Live လွှင့်ပေးခဲ့တာ ဖြစ်ပါတယ် ။မြန်မာနိုင်ငံအရေးအတွက်အခုလိုကူညီပေးတဲ့ Lee Seo Ho ကို မြန်မာနိုင်ငံက ပြည်သူတွေကလည်း ကျေးဇူးတင်စကားတွေ ပြောပေးခဲ့ကြတာ ဖြစ်ပါတယ်